ونبدا اللائحه برقم 5
5- رحيل حسام البدرى من منصب الغفير الفنى لنادى المبادىء والاخلاق القرنيه و ذلك ليس طبعا تعاطفا مع جنابه او تقديرا لامكانياته بل اسفا على فراق اكثر من مالت اليه جماهير الزمالك من الاهلى منذ الحارس امير عبد الحميد
4- التسرب النفطى فى خليج المكسيك و هو ما تسببت فيه شركه بريتش بتروليوم لعدم اتخاذ التدابير اللازمه (الاجراء كان سيتكلف 128,000 جنيه استرلينى و ما بين 8-12 ساعه لأنهائه!) طبعا العمليه مش ناقصه تلوث من الناس اللى بتفهم و ده اللى حارق الدم ... ما كفايه البهائم اللى هنا
3- تعديل الحكم الخاص بملك المافيا المصرى و تابعه جاك السفاح (او طلعت ابو شنب و السكرى الزباله) الى السجن بدلا من الاعدام
2- عمليات تطهير مياهنا الاقليميه من العدو الاسرائيلى و مواجهه احدث اسلحته و هى اسماك القرش الموجه .. الا ان الجنرال شوشه محافظ جنوب سيناء كان لتلك المحاولات منتبها و يقوم حاليا بأباده القرش (فى تكرار لعمليه اباده الخنازير 2009) و قريبا ستكون مياهنا خاليه من السمكه الخائنه العميله
1- و هنا لن اعتبر سرقه زهره الخشخاش لفان جوخ من مخزن محمود خليل و لا اتهامات فاروق حسنى و شعلان المتبادله بينهم و لا تصريح شعلان بانها لوحه زباله اصلا و متستاهلش ده كله و لا حتى محاوله الصلح بين حسنى و شعلان التى اعقبت خروج الاخير من الحبس 20 يوم على ذمه التحقيقات و لكن الحدث الحقيقى فعلا كان شعورى بعد كل ده ان : " طب اللى اخد اللوحه دى مكملش جميله ليه و سرق لوحه جوجان اللى فى اخر الممر و ريحنا بدل منعيش مع الزبالين دول تانى لما تتسرق عاجلا ام اجلا"
هاشم فواد
ديسمبر 2010
