العوده الى الثكنات ... فعلا؟

بعد تعدد مهازل اشتباكات افراد الجيش فى مواجهات مسلحه مع متظاهرين مدنيين و ما تخلل تلك المواجهات من مشاهد مخزيه اربكت معظم المواطنين ممن لديهم حب فطرى للجيش و اشفق الجميع من عواقب تكرار تلك المواجهات و ما يتبعها من قله قيمه للجبش فطالب المخلصون بأن يعود الجيش الى ثكناته و بلاش تهريج (طبعا هناك من طالب بالمزيد من المواجهات و لكن مع تعليه مستوى القمع و الشده علشان ده شعب ميجيش غير بكده)

عموما عوده الجيش الى ثكناته طالب بها من يروم الى حكم الدوله المدنيه و ان التخلص من المكنوس مبارك لم يكن لتمهيد الطريق الى المجلس الاعلى علشان يقعد و يبرطع و طالب بها ايضا من ركب الموجه  و تحالف مع العسكر مستغلا جهلا مستشريا و عقول متورمه عاطله عن التفكير عند اعضاء المجلس حتى سلموه البلاد تسليم مفتاح و طالب بها ايضا بعض الناس ممن اطلق عليهم العفافات شعيبات نسبه الى المفكره الغذائيه الشهيره و يستندون الى فكره ان اسرائيل خلاص على الحدود و بتضرب غزه و بتهود القدس علشان الجيش حاطط مدرعاته و دباباته امام ماسبيرو و مفيش حاجه على الحدود.

الواقع ان الجيش المصرى لا يختلف عن اى مؤسسه مصريه فى عهد المكسور وراه 90 قله مبارك, بمعنى انه يمكنك التحدث بلا اى حرج عن جهل مفزع و كفاءه منتج صينى درجه عاشره اما الفساد المالى فاعتقد انه يفوق الحزب المنحل نفسه فى هذا المجال

عندما تم تجنيدى كجندى لمده عام و تم توزيعى للخدمه فى القوات البحريه ,قضيت الخدمه متنقلا بين وحدتين مختلفتين و هما استراحه خاصه بقائد القوات مطله على النيل فى القاهره و بها فندق و كنت فى مكتب الاستقبال الخاص بالفندق و الاخرى كانت فى قاعده راس التين البحريه بالاسكندريه و كنت جندى.. احم ... نظافه و خدمات فى فوج المقر

لا ازعم ان العام مر سريعا و ان به ايام متتنسييش ... يشهد بعض اصدقائى حتى الان ان كل يوم كان له قصه و قابلت من لم اكن اتخيل لا ان اقابله يوما بل ان مثله يعيش على نفس الكوكب , و تأكدت فعلا ان مقوله مصنع الرجال لا صحه لها على الاطلاق بل العكس هو تمام الصحه, فلكى تعدى ايامك فى الجيش عليك ان تتعلم صلطحه القفا و ان تصبح من الزواحف ذات الجلد السميك ممن لا تلذق بهم الشتائم او الاهانات اما اذا كانت مؤخرتك حساسه فعليك بالتمربن حتى تصبح كالاسفنجه فلا تتألم من الركلات و الصفعات . اما اذا كنت تعيسا سىء الحظ ممن ولدوا فلم يجدوا محجوب عبد الدايم ابا يعلمهم جاده الصواب بل وجدوا ابا مؤذيا يعلمهم الكرامه و ازاى تحترم نفسك بابنى و ام تؤمن بالتعليم و الثقافه و لك نصيب منهما فلكم ستعانى فى الثكنات !

لا اعلم كيف بمكننى نقل بعض ما رأيت فى الثكنات سوى عن طريق بعض المواقف من الاف تذخر بهم الذاكره علنى اشجع على ان ننظر بواقعيه الى امكانيات تلك المؤسسه العزيزه حتى نكف عن خداع انفسنا و حتى نيقن ان صلاح و تطور الجيش يجب ان يكون اولويه لدينا لا ان نكتفى بان يعود الى الثكنات بلا اى اصلاح و نعود نحن لنعيش فى عالم سمسم تاركين الثكنات على حالها و لكم ان تتخيلوا كم من كفاءات بتلك الثكانات.

1.       الكفاءات العقليه:

حدثت تلك الواقعه فى عنبر فوج المقر عندما تشاجر احد الجنود مع زميله النائم على الجزء الاعلى من السرير و كان بجانب نافذه مفتوحه, لا اعلم علام كانوا يتشاجرون بالضبط لكن العسكرى النائم لم يكترث بالنهوض من رقاده و اكتفى بتكرار سب الدين للاخر محذرا انه مش عايز يقوم علشان هو مراعى ان امه عايزاه. لم يكن المشهد نادر الحدوث او حتى غريبا فلم اكترث و صرفت نظر و نزلت لتسلم خدمه البوابه و انا فى غايه القرف , كانت البوابه تحت النافذه الخاصه بالعنبر و كانت مطله على اونكس الزباله (الاونكس هو اسم يطلق على صندوق الزباله البلاستيك الضخم) استلمت السلاح و عديت الذخيره و اخذت موقعى متمللا و اخيرا لاحظت ان صوت المشاجره مستمرا, لم يحدث اى تطور فى سير المشاجره : سب دين مستمر من النائم و تهديد ووعيد من الاخر بأن شكله كده حيعملها معاه , صرفت نظر و اذكر نفخى ضيقا بأنى ساقف فى تلك الخدمه اللعينه 4 ساعات و ان الجو البارد بدأ يشتد (كنا فى ديسمبر و لم اكن رأيت ديسمبر فى اسكندريه من قبل) فجاءه دوى صوت رهيب لسقوط شىء من اعلى فى اونكس الزباله , جاء عسكرى امن الوحده مهرولا و هو يصيح فى: اىىىه يا دفعه؟ ايييه اللى حصل؟

هزيت كتفى و رأسى انى والله مش عارف بس فيه حاجه وقعت من فوق فى الزباله, نظرنا سويا لنجد العسكرى النائم يحاول الخروج من الاونكس , اندفع عسكرى الامن محاولا الفهم و السيطره على الموقف : ايييه ده؟ انتا وجعت ازاى يا دفعه من فوج؟ ... لم افهم صحيح كيف سقط من نافذه الدور الثانى الا انه دفع عسكرى الامن جانبا مما ادى الى سقوطه و جرى مهرولا الى اعلى صائحا: والمصحف لاطلع دين .... با ابن المت...

لم افهم ما نوع هذا البنى ادم اللى سقط من الدور الثانى فى الزباله و يخرج سليما و لا يجد الوقت لكى يطمئن على سلامته او حتى لكى يفهم ما حدث (لا اتصور ان القاءه فى الزباله من الدور الثانى امر روتينى اطلاقا) بل ينطلق بسرعه لكى يكمل المشاجره , مره اخرى صرفت نظر و فكرت ان امامى 4 ساعات و مازلت واقفا فى الخدمه!

2.       كفاءات قتاليه:

و كنت ايضا فى فوج المقر هاربا من عمليه توزيع خدمات ابتلعت جميع العساكر فى الوحده ماعدا حوالى 8 عساكر و اجتمعنا نختبىء فى الميز نشاهد التلفزيون (لم يكن التلفزيون ممتعا قط فالعسكرى المسؤول عن الريموت كنترول كان يتبع برنامج صارم فى متابعه التلفزيون: من الفجر حتى الساعه 10 قناه الفجراو الناس او الزفت ثم روتانا زمان حتى الساعه 2 و بعد كده بقى قناه الدهبيه و هى قناه لم اسمع عنها من قبل تعرض سيدات بدينات يرقصن على موسيقى خليجيه و هو ما كان يلقى اعظم القبول عند المتفرجين )

المهم طب علينا نقيب (مش مخله) و صاح بأن يلا ياد انت و هو على عربيه الحمله فورا, طبعا لعنت سنسفيل اهله و سنسفيل حظى اللى معرفش لبسنى فى ايه دلوقتى! انطلقت بنا السياره الى ميدان الرمايه و اذكر جيدا الجو البارد و انها كانت تمطر مما جعل ارض طابور الرمايه وحلا لكن طبعا اضررت على الجلوس عليه بالعا اى قرف اشعر به, صاح النقيب باننا على وشك البدأ فى" تمرين رمايه ميدانى نهارى اول" يعنى ايه الكلام ده؟ يعنى ذخيره حيه ياولاد الاح.. و انه لن يقبل اى علوق.. من اى عسكرى خ..

جاء الصول و اخبرنا انه عندنا حوالى 1500 طلقه للتمرين ده بس مفيش غير 8 عساكر فكل واحد يتنيل يسترجل و يخلصنا علشان نمشى , كان عدد الطلقات المطلوب اطلاقها كبير جدا فقبل هذا اليوم لم اضرب سوى 3 طلقات بالالى فى مركز التدريب و قد كرهت البندقيه الالى جدا لصوتها العالى اولا و ثانيا لقوه ارتدادها فى كتفى و اخيرا لرائحه البارود الكريهه فلم اتخيل كيف ساطلق خزنه كامله بدون توقف و كمان عايزنى انشن على هدف ؟!

ايه ده يا حبيبى؟ هو انت لسه حتشنلى؟ يلا باله اضرب فى المليان و خلصنا!!

اذن العمليه ما هى الا التخلص من الطلقات لانها مكتوبه على ذمه التمرين و الموضوع كله تستيف ورق ليس الا! اغمضت عينى علنى استطيع اغماض اذنى و ضغطت على الزناد وانطلق الرصاص مدويا يصيب كل المنطقه المحيطه بالهدف (الغريب ان الهدف لم يمس بأى طلقه مما جعل الصول يفكر جديا بأنى قاصدها) انتهت الخزنه الاولى و سلمتها مع جمع الفارغ و عده جيدا ثم استلمت الخزنه الثانيه و قبل ان اضغط الزناد شعرت بقطعه نار تلسعنى فى مؤخره عنقى (قفايا) فقفزت انفض نفسى مما اثار الصول الذى ادرك فورا ان مظروفا فارغا استقر فى ملابسى جراء اطلاق عسكرى مجاور لى النار . امر الصول بوقف اطلاق النار فورا حتى نعد الفارغ لانه عهده . جاء النقيب و امر بان العساكر تقلع و تنفض هدومها علشان لو فى حاجه هنا ولا هنا! طبعا خلع الملابس فى الجو البارد و تنفيضها حتى نعثر على فارغ طلقه لانه عهده رغم ان الطلقه نفسها تم اطلاقها فى الهواء و بلا اى قيمه جعلنى على شفا الدخول فى انفجار شتايم لكنى كتمت و نفضط القميص باحثا عن الفارغ علشان اخلص من ولاد الكلب دول.

3.       كفاءه ماليه:

كان مدير الفندق البحرى بالقاهره عقيدا و قد اثر فى هذا الرجل تأثيرا فعلا قويا, فلو اكتشفت مستقبلا اى اثر لمرض معضل و غير وراثى اصبت به ففعلا سأعيد الفضل لهذا الشخص

عموما استدعانى العقيد فى مكتبه فهرولت الى الداخل وانا اتسأل عن اى مصيبه سيحملنى مسؤليتها و يهبدنى بسببها اى جزاء , دخلت المكتب فوجد الصول هيكل مراقب الحسابات واقفا يتلقى اقذع الاهانات و يرتجف متصببا عرقا.

عاجلنى العقيد صائحا: ايه اللى انت مهببه ده يا بيه

أنا: .... اتفضل يا فندم (كنت اتجنب كلمه اؤمر يافندم بكلمه اتفضل و لكنها لم تكن تخيل عليه و كان غضبه يشتد و يستفز مما زاد من رغبتى فى استخدامها و تصنع العبط بعد كده)

العقيد: انت مسكن كل الغرف لمدنيين يا بنى ادم؟؟

الصول هيكل متدخلا: معلش يافندم غلطه و حيصلحها

رديت بعنف منفعلا من كسكسه هذا الصول الخدام و كمان لانى بدأت اتنرفز من الموقف لآنى ايقنت من ان فيه جزاء حينزل عليا و انا اصلا مش فاهم فين الغلط اصلا : يافندم سيادتك لسه ماضى على دفتر الحجز (يعنى متسطعبطش يا روح خالتك)

العقيد: وانا يعنى المفروض اننا اراجع وراك ؟؟ انت حتحاسبنى يا بنى؟ لآلآلآ 3 ايام حجز اشلاق و مش حتمشى غير لما تصلح الدفتر ده كله من اول السنه (كنا فى شهر 7 )

خرجت و ضغطى يصيبنى بدوار و عدت الى مكانى فى الاستقبال حتى اتى الصول زفت معتذرا: يا هاشم متضايقش نفسك كده لحسن يجيللك سكر ولا ضغط, ارمى ورا ضهرك ولا يهمك

سألته: هو ايه اصلا الموضوع؟

ابتسمت اسنانه النخره و ضاقت عينين الفلاحين الخبيثه و همس لى بكلام برائحه الكليوبطره البوكس: اصلك متعرفش ان الشعبه الماليه هتبعت تفتيش و انت عارف ان المدنى بيتحاسب اعلى بكتير من العسكرى فمينفعش تسكن الفندق كله مدنيين

_ و انا اعمل ايه يعنى اذا هو اللى بيقوللى اسكن مين و مين لا!

_ولا اى حاجه, هى اصلا مش غلتطك بس انت بس هتعمل وصولات جديده لعدد معين من الغرف المدنيه و تخليها عسكريين وانا هديك الاسامى

_ طب والفرق يا صول هتحطه فين؟

انزعج الصول و رد بسرعه : دى حنشوفها بقى مع العقيد. ثم اردف: يمكن نحط الفرق فى فلوس الجامع يعنى متقلقش!!

(يلا يا بن الكلب يا لص انت و سى زفت اللى جوه): المهم عايزنى اقعد ابدل فى وصولات؟ و أألف فى اسامى؟

و فعلا امضيت الثلاث ايام ماضيا فى تلك المهمه حتى انتهيت من ال7 شهور كلها و اديت تمام للعقيد بانتهاء المهمه و انا غايه فى القرف الا انى اعتبرت الموضوع عدى خلاص حتى فوجئت بالعقيد بعد انتهاؤه من مراجعه الدفتر بسالنى: عرفت غلتطك يابنى ولا لسه؟

ذاهلا نظرت اليه وانا مش مصدق انه بهذه البجاحه الا انه رد نظرتى بانه فعلا بهذه البجاحه و اكتر كمان

بلعت ريقى و بوجه محتقن رددت و انا اعلم بعاقبه ردى: ....... غلطه ايه يا فندم؟ مكانش فيه غلطه من عندى

ابتسم اللعين و بهدوء قال: طب كمان 3 ايام حجز فى القشلاق يابنى.

4.       احلى من الشرف مفيش (مصنع الرجال):

فى مركز التدريب تعرفت على قبارى و هو قذاره و جراثيم متنكره فى شخص عسكرى من اسكندريه. قبارى كان دائم التساؤل عن عادات النظافه الشخصيه التى كنت اتبعها مثل سؤاله لى عن سبب استحمامى و ليه مأكلتش هو انا قرفان ولا ايه ... الخ, لم تكن تثنيه ردودى الودوده مثل وانت مال اهلك او اجرى يله من قدامى عن التساؤل. عموما انا تأكدت ان قبارى غالبا بيتريق عليا من وراء ظهرى و لكنى لم اكترث حتى جاء يوم و تم توزيعنا على خدمه واحده و هى غسل سرفيسات الطعام ( هى صينيه من المعدن يوضع فيها الطعام لكل عسكرى) تم توزيع 50 سرفيس على كل واحد و اخبرنا الصول ان اللى حيخلص مش حيعمل حاجه باقى اليوم.

انطلقنا الى الحمام حامليين السرفيسات (كنا 5 عساكر) لكن للاسف وجدت الحمام به صنبورين فقط فانتظرت حتى ينتهى احدهم الا ان قبارى لم يهتم بذلك و دخل متوجها الى الكنيف (الحمام البلدى) ووضع السرفيسات عليه وامسك الشطافه (خرطوم منبثق من حنفيه صغيره) و انهمك ابن الكلاب الوسخ يغسل ما سيأكل فيه غدا

تسمرت فى مكانى مذهولا و لمح وقفتى العسكرى الخامس فادركت انه يريد ان يعرف ان كنت سأستخدم المصدر الاخير للمياه فى الحمام (و كانت المبوله) ولا يخش هو يتعامل!

سألته : انت عايز تعمل زى البهيم ده و تغسل فى المبوله؟

صاح قبارى ضاحكا: يا عم مالكش انت فى الشغلانه دى اصلها عايزه رجاله ولا مؤخذه

حتى اليوم تظل تلك الذكرى الاكثر ايلاما لى الا انه مع مرور الايام تصادف ان مررت بوحده ما و كانت وحده مجاوره للفوج ولا اذكر سبب ذهابى بالضبط الا انى التقيت هناك بقبارى جالسا و زملاؤه يسخرون منه, سألت عن السبب فعلمت ان قبارى ده جاب وسطه و اصبح عسكرى مراسله للعميد و كان مظبط حاله معاه على الاخر لولا ان دبت الغيره فى قلب احد الصولات (و كان مسؤولا عن تربيه بط سياده العميد!) فافسد الصول بين قبارى و العميد فطرده الاخير من المراسله.

ما جعل الجميع يسخر من قبارى هو ما تلى ذلك من محاولات قبارى المضحكه و المذله حتى يعود لخدمه العميد كمراسله مثل هروبه من طابور الغذاء حتى يكون فى انتظار العميد على باب الجامع ممسكا بحذائه او محاولاته المستمره لرشوه عسكرى الكانتين حتى يقوم الاخير بالتبليغ بنفاذ البن و يقوم قبارى بعمل واحد قهوه تعدل مزاج سياده العميد او احتفاظه دائما بفوطه نظيفه يحتفظ بها عند السكرتاريه المجاوره للحمام حتى يلتقطها و يكون فى انتظار العميد خارج الحمام بها.

لمحته فقلتله : ازيك يا قبارى... فاكرنى؟

بصلى و بحنق تذكر قرفى منه الذى لم احاول يوما تخبئته و صاح: هو انت لسه مخلصتش؟ يا بنى الجيس ده للرجاله بس. 

هاشم فؤاد

ديسمبر 2011

على اشكالهم

يسعى عبد المولى الى القمه, يعمل بلا اى مؤهلات فى مصنع لتدوير القمامه حيث عين مساعدا لمدير الحسابات بالشركه الاستاذ مكرم, 

لم يلتفت الاستاذ مكرم الى ضعف امكانيات عبدالمولى الحسابيه او حتى العقليه بشكل عام ووافق على تعينه بروتينيه

واقع الامر ان التعيين لم يكن يخلو من توصيه و الاستاذ مكرم لم يفوت الفرصه لكى يعدد الخدمات عند اللزوم.

كان الاستاذ مكرم لا يمتلك اى مؤهلات هو الاخر, بل يعتمد على نظام الكترونى شديد التطور يكاد يسمح لطفل باستخدامه بسهوله.

غياب العمل و عدم اهميته جعل الاستاذ مكرم يتفرغ تماما لهوايته الاثيره و هى تشجيع النادى الاهلى ... كان الاستاذ مكرم متحمسا حتى الى اتفه الاخبار الخاصه بالاهلى و كان حماسه يجرفه احيانا الى الغضب من مرؤسيه و واقعه انور مساعده السابق و الزملكاوى تحضر الى الاذهان عندما فصله اثر مشاده 

كرويه بينهم

حينها ادرك عبد المولى ان ضعف ثقافته الكرويه تمثل عائقا للتقرب بشكل "مناسب" من الاستاذ مكرم.

عبد المولى مضيعش وقت ... فى احد الايام شوهد يتشاجر مع فؤش الفراش مؤكدا ان حسام البدرى فاهم بيعمل ايه كويس قوى يا حمار و سيبوا الراجل يشتغل يا شويه بهايم! اعترض فؤش منوها بالاداء الهزيل و بالتعادل الخيبان مع المقاولون و هو النادى الاثير اللى عمره ما حرم الاهلى من بنط!!

ثار عبد المولى و ارغى و زبد صائحا حتى سمعه الاستاذ مكرم و بمجرد علمه بسبب غضب الاستاذ عبد المولى من فؤش نظر الى فؤش نظره اصفر لها وجهه و انسحب هاربا من غضبه الاستاذ مكرم

استاطبت الحياه لعبد المولى و اصبح المساعد الاثير لمكرم حتى وقعت الواقعه!

 تعطل النظام الالكترونى وقت اعداد التقارير الشهريه و تعذر اصلاحه و لم يفلح الاستاذ مكرم فى "تحليل" راتبه الشهرى الضخم امام تساؤل مديره فقام بفصله على الفور.

اجتاح القلق الاداره بشكل العام و عبد المولى بشكل خاص ترقبا لمدير جديد سيأتى خلفا للاستاذ مكرم و ياعالم ميته ايه؟؟

وصل الاستاذ وجدى مديرا جديدا للحسابات و لم يمض وقت طويل حتى بانت لبته! الاستاذ وجدى بلا اى نوع من المؤهلات التى من الممكن ان تجعله مديرا للحسابات بل انه لا يصلح حتى ليحل محل فؤش فى اعداد الشاى و القهوه!

لكن من قال ان تلك المؤهلات هى محط انظار عبد المولى؟ ما اثار اهتمام عبد المولى هو هوايه الاستاذ وجدى المفضله! لم يكن وجدى اهلاويا كسلفه بل مكانش ليه فى الكوره اساسا مما اراح عبد المولى من ادعائاته السابقه, كان صاحبنا من هواه الرقص الشرقى و كم من مره دخل عبد المولى الى مكتبه ووجده يهز رأسه طربا مستمتعا وهو يشاهد افلام للرقص الشرقى على شاشه حاسبه الالى

مره اخرى عبد المولى مضيعش وقت. قام بدراسه مستفيضه للموضوع و حرص على التواجد فى الترابيزه المجاوره اترابيزه الاستاذ وجدى الاثيره فى احد الملاهى الليليه التى يتردد عليها لولهه بالراقصه تيتي زمبلك

استطابت الحياه مره اخرى لعبد المولى خصوصا بعدما اخبر الاستاذ وجدى انه على علاقه حديثه بزيزى احدى زميلات تيتى زمبلك.

لكن الاستاذ وجدى لحق بسابقه مرفوتا بفضيحه عندما داهمت زوجته المكتب و قامت بشرشحته امام الجميع متهمه اياه بانه واطى و نسى انها لمته من الشوارع بس هو الظاهر حن الى اصله الردىء و راح يجرى ورا الرقاصات.

الاستاذ سليم كان مدير الحسابات الجديد, لم يكن عبد المولى قلقا, فخبرته الان فى المديرين اقنعته بأنه "شاطر" و "ذكى" و يجيد التعامل مع جميع انواع المديرين وان المسأله مسأله وقت قبل ان يصبح هذا السليم فى جيبه.

ثاتى ايام تعيين الاستاذ سليم كان عبد المولى فى مكتبه مؤكدا له ان سماحه وجهه (سليم) فعلا اخاذه وان سيادتك فعلا تؤكد ان سيماهه على وجوههم ... والله يافندم اهل الخير وولاد الناس بيبان عليهم

لم تتحرك قسمات وجه الاستاذ سليم و لم يوحى بانه يسمعه اصلا و لكن عبد المولى لم يلقى بالا كبيرا فقد اعتقد انه عثر على ضالته , سمكه متوسطه الحجم ترقد محنطه قباله المكتب الجديد .

خلال ساعات كان عبد المولى يشترى ادوات صيد الاسماك من محل بشارع الجمهوريه و ينطلق مستكشفا هوايته الجديده.

ملأ عبد المولى مكتبه بصيده الوفير و حرص على وضع كتب عن الاسماك ظاهره على سطح مكتبه حتى يراها الاستاذ سليم , انتظر عبد المولى اياما حتى مر عليه المدير الجديد الا انه هاله النظره اللامباليه التى القاها على مكتبه بل اثار ارتياعه ملامح نظره استنكار علت وجه الاستاذ سليم!

اضطر عبد المولى الى القيلم برحله "استكشافيه" اخرى الى مكتب المدير فذهب اليه منوها بنباهه سيادته الا ان سيادته صارحه ببرود بانه يريد لفت نظره الى مواعيده السواريه و انه ميصحش ابدا انه يخش يتتندجل على المكتب الساعه 11 !!

 بهت عبد المولى و غادر مكتب الاستاذ سليم الا انه لم ينسى ملاحظه الساعه الرمليه "الانتيك" على مكتبه فتمسك بالامل.

بين محلات شارع هدى شعراوى امضى عبد المولى ايامه و نقوده متبضعا قطع الانتيك حتى "يظبط" المكتب و العمليه تظبط.

فى اليوم الموعود توقف الاستاذ سليم عند مكتبه و قال بعصبيه : ايه يا عبد المولى السيرك اللى انت عامله على مكتبك ده؟ شيل الكراكيب دى فورا بلاش 

هرجله و كلام فاضى

عبد المولى لم ييأس واعتقد اعتقادا راسخا جازما انه لقاها عندما ارتفت رنه تليفون الاستاذ سليم بصوت رجل خليجى اخنف يصيح مذكرا بدعوات دينيه بالاضافه الى صوت الاذان (رجل صينى يؤذن فيما يبدو بدلا من الخليجى بتاع الادعيه) الذى يرتفع ايضا من تليفونه.

ملأت الايات و الادعيه مكتب عبد المولى و شوهد دائما حاملا مسبحه و عندما اتصل به الاستاذ سليم فى احد الايام تركه عبد المولى دون رد لبضع رنات كافيه ليستمع الى الكول تون التى تذكره بالثعبان الاقرع و عقاب تارك غسل الطرف بعد قضاء الحاجه

لم يلبث ان استدعاه الاستاذ سليم الى مكتبه ليخبره صراحه انه لا يحتاج الى مجهوده و انه منقول

انهار عبد المولى و طلب تفسيرا

الاستاذ سليم تنهد و قال: بص يا عبد المولى انا حنقلك علشان مظلمكش .. انا عارفك كويس و عارف انت ممكن تبقى ايه فى مكان تانى غير هنا

ليه بس يا فندم ده انا اخدمك بعنيه

عارف عارف يا عبد المولى ... انا متأكد مش بس عارف ! يا بنى لازم تعرف ان كل اللى بتعمله ده انا عملته قبلك! انا بصراحه راجل من غير هوايات و لكنى عشت على هوايات مديرينى حتى حان وقتى و وصلت لمكانى ده! عارف انت السمكه اللى ورايا دى؟ دى علشان ابن المدير العام بيحب يصطاد مش انا , الهجص اللى اسمه انتيكات اللى كانوا على مكتبى دول علشان المدام حرم رئيس مجلس الاداره ليها فى الكلام الفاضى ده... فهمت يا جحش؟

طب و النغمات الدينيه و الاذان؟ تسأل عبد المولى مذهولا

التليفون؟؟ ...ضحك سليم مندهشا ...ده اصل المدير السابق بتاعى كان درويش و نسيت ارجع التليفون زى الاول تانى ... تصدق كويس انك فكرتنى

فى اليوم التالى كان عبد المولى متوجها الى اداره فرز القمامه حيث سيشرف على العمال هناك

هاشم فؤاد

اغسطس 2011

السعوديه: عندما تحكم القرون الوسطى مجتمعات القرن الحادى و العشرين

يشكل المشهد السعودى حاله شديده الخصوصيه و الاستعصاء فيما يتعلق بأوضاع حقوق الانسان, سواء فى ظل الفكر الوهابى المحافظ المهيمن على المجتمع السعودى, او فى ظل نظام استبدادى ظل على مدى عقود طويله يمنع افراده من الحق فى المشاركه السياسيه و من التعدديه الحزبيه و امتلاك الصحف ووسائل الاعلام, بل و من الحق فى التعبير عن اراء تخالف رؤيه العائله المالكه و الحكومه, او التفسيرات التى تروج لها المؤسسه الدينيه.

لا تعترف المملكه بحق المواطنين فى تشكيل الاحزاب و تكوين الجمعيات و فى التجمع السلمى, و تعانى الاقليات الدينيه من تمييز واضح, و لا تزال المرأه تتعرض للحرمان من حقوق اساسيه لمجرد كونها انثى.

لا تعرف المملكه العربيه السعوديه فصلا واضحا بين السلطات الثلاث (التشريعيه و التنفيذيه و القضائيه) و فضلا عن ذلك تفتقر المملكه الى قانون مكتوب يمكن توجيه التهم و المحاكمه استنادا اليه, و يتم الاستعاضه عن القانون بمنح القضاه حريه تصنيف الجرائم وفق رؤاهم الخاصه, بل و يحق للقاضى ارتداء ثوب القاضى و الادعاء فى الوقت ذاته, مما يمكنه من تغيير قائمه الاتهامات وقتما يشاء.

تلك القدره على لعب دور القاضى و الادعاء تتسبب احيانا فى تعمد بعد القضاه مضايقه المتهمين, و يصل الامر فى بعض المحاكم الى انزال عقوبات صارمه و مضاعفه على المتهمين لاسباب لا تتعلق بالجرائم المتهمين بارتكابها.

كذلك يصدر القضاه السعوديون احكاما بالغه القسوه بحق متهمين بارتكاب جرائم غرائبيه لا توجد و سيله علميه و لا ادله ماديه يمكن اثباتها و التحقق من ارتكابها كتهمه عمل السحر. فقد تم تنفيذ حكم الاعدام فى نوفمبر 2007 بحق مصطفى ابراهيم بتهمه عمل السحر, كما حكم القضاء السعودى بأعدام فوزه الفالح بقطع الرأس لارتكابها جريمه عمل السحر و الاستعانه بالجن و ذبح الحيوانات.

لا تتوقف الانتهاكات من اجهزه الامن و رجال الشرطه عند صدور اوامر الاعتقال و الاحتجاز التعسفى, بل تتجاوزهم الى ممارسات وحشيه  تمتهن فيها الكرامه و الجسد. فى 9 مارس 2008 و خلال سعيهم للقبض على نحو 25 مهاجرا يمنيا لا يحملون وثائق,قاموا باضرام النيران فى حفره كان المهاجرون يختبئون فيها مما ادى الى اصابه 18 منهم بحروق شديده.

يسيطر الان رأس المال السعودى على عدد من الصحف العربيه الشهيره, و كذلك مجموعه من القنوات الاعلاميه الاكثر شهره فى العالم العربى, و فى ظل هذه السيطره تنجح الحكومه السعوديه فى الحد من انتقاد السياسات الرسميه.

و بلغ عدد المواقع الالكترونبه المحجوبه  نحو 400 الف موقع, بدعوى حمايه الواجبات الاخلاقيه الاسلاميه.

و رغم الهيمنه الحكوميه على البث المرئى فى المملكه, استطاعت بعض شكاوى المواطنين حول الزيادات الضئيله لاجور الموظفين ان تتسلل الى شاشه التليفزيون الرسمى فى احد البرامج التى يتم بثها على الهواء مباشره, و قد تسبب ذلك فى اصابه الحكومه بالفزع من تكرار الامر, فما كان من وزير الاعلام الا ان اصدر قرارا فى 30 يناير 2008 بحظر بث البرامج مباشرا على كل القنوات السعوديه.

فى حبن يتمتع رجال هيئه الامر بالمعروف و النهى عن المنكر بصلاحيات واسعه, تخول لهم التصدى لمن يرون فى سلوكه ادنى انتهاك لمعاييرهم الدينيه فى اللباس او الاختلاط بين الجنسين, اذ يتم اعتقال اى رجل يجلس فى خلوه مع امرأه ليست من محارمه.

هكذا يشكل المشهد السعودى ما يمكن ان يحدث عندما تحكم القرون الوسطى مجتمعات القرن الحادى و العشرين.

المصادر من التقرير السنوى لحقوق الانسان فى العالم العربى

يوميات ثائر من روكسى

ميدان روكسى اصبح ملتقى و تجمع  ما يسمى بالاغلبيه الصامته اللى قررت التكلم

جميل, رغم ان من قرر التكلم من الاغلبيه الصامته لم يزد عدده عن مئه نفر مما اصاب احد باعه الاعلام بالاحباط بعد ما عشم نفسه بلقمه حلوه!

المهم: بدافع من الفضول و كجزء من تدريب نفسى على تقبل الرأى الاخر و التعايش معه خصوصا ان مقدمات الامور توحى بان الرأى الاخر سيغلب فى كل نواحى الحياه سواء كانت اجتماعيه, اقتصاديه او سياسيه ...

لم ارى جديدا ... لافتات كبيره كتب عليها شعارات فارغه من المضمون (ليه نخرب بلدنا بايدينا؟) (نحذر من الانفلات و الفوضى) (لا لديكتاتوريه التحرير) و لوحه كبيره جمعت بفجاجه ذوق فنى فوتوشوب درجه عاشره بين كل الكليشيهات اياها ... فى الوسط صوره للمشير و على يمينه قسيس و على شماله شيخ (او العكس علشان لو قارىء من اياهم اتضايق) صوره الفنجرى بالتحيه العسكريه مش اللى بالصباع , و منصه بسماعات .

عظيم, ده المشهد العام ... الحضور اخبارهم ايه؟ من غير انطباعات شخصيه سأعرض عليك الموقف التالى من قلب الميدان:

تصادف مرورى بالميدان بمرور فوج من الشرطه العسكريه على الميدان, ايه الحكايه؟ قائد الشرطه العسكريه شخصيا بيمر على الناس... ليه؟ معرفش بس قلت رب صدفه ... نشوف ايه اللى حيحصل, اندفع بعض المواطنيين لالقاء التحيه على الرجل (منهم بائع الاعلام)

تنبه بعض ثوار روكسى الى الزياره فتقدم فوج منهم يتقدمهم رجل فى العقد الخامس تقريبا و يبدو من هيئته انه راجل شيك و حيتكلم صح ... مد يده مصافحا و احنى راسه لزوم ما يلزم الا ان اللواء صافحه و تركه ليستقل السياره الشيروكى الميرى و غادر تاركا باقى الفوج يلقون و يتلقون التعليمات بأن تمام رقم واحد غادر و متجه الى الاشاره.. توجه الرجل الى احد الضباط ممن لم يغادروا (كان عميدا) و صافحه بنفس الطريقه ثم انطلق صائحا:

"والله العظيم يافندم احنا شعب فرعون, اى والله فرعون .... فرعون يا فندم و مينفعش معانا غير ..."

قاطعه العميد : بس بس و سابه ومشى

فكرت اقوله رأيي فى سلوكه المهزء لكنى عدلت عن الفكره و مشيت

حاجه تكسف ... بس هى الناس دى بتتكسف؟ و ماذا يعنى الخزى و العار لغير الحر؟ عموما ادينا دربنا نفسنا شويه على ما هو قادم!

   هاشم فؤاد

يوليو 2011

Keynesians at the Gates

Last March i had a discussion where me and 2 of my collegue talked about Egypt’s current fiscal policy under Dr. Radwan the new finance minister,
Discussions and arguments were exchanged and finally one of them suggested that a strong governmental intervention is likely to happen.
The other was inclined to side with this speculation while I remained skeptical and feared the new minister deciding to take that course.
Sadly (for me) the last week (that was in march showed more signs that indeed a strong and aggressive governmental intervention in the form of public spending will take place.
What follows is my argument of why this should not take place:

First of all: Why is the government intervening?
It argues that governments should solve problems in the short run rather than wait for market forces to do it in the long run, because “in the long run, we will be all dead”.   
There tools will be an incoherent mix of open market operations (borrowing debt) and money printing.
They care most of all about inflation and don’t want to risk inflation in favor of decreasing future interest rates.

I believe that this will cost us all a lot in the future let alone the highly doubtful positive effect of this policy
Borrowing money has become more expensive than before for the Egyptian government, the gradual increase will end us borrowing to pay the interest on the money we borrowed before.
Government debt will increase and deficit will grow in the long run, note that the cost of borrowing is increasing,
Egyptian treasury Bonds pays interest rate of 12.6 % for 7 years and 11.63 % for 3 years.*

That’s alarming enough to let us think before deciding on taking popular Keynesian policies.
We should think to slash not to spend!
Though some will argue that we face critical problems in the mean time like:
High unemployment rate
Little consumption
Economic crunch
I myself can’t find a proper solution but while worrying about gigantic debt I believe that desperate, unpopular measures should be made like:
Cutting Subsidies
Taxes on Energy (to counter the rise in prices of commodities)

Hope i made my point and thanks for your valuable take on the subject,

دعاء

دعوت للثوره وانا دون السابعه.

ذهبت ذات صباح الى مدرستى الأوليه محروسا بالخادمه. سرت كمن يساق الى سجن. بيدى كراسه و فى عينى كأبه , و فى قلبى حنين الى الفوضى , و الهواء البارد يلسع ساقى شبه العاريتين تحت بنطلونى القصير.

وجدنا المدرسه مغلقه, والفراش يقول بصوت جهير:

-بسبب المظاهرات لا دراسه اليوم ايضا.

غمرتنى موجه من الفرح طارت بى الى شاطىء السعاده.

ومن صميم قلبى دعوت الله ان تدوم الثوره الى الابد!

من اصداء السيره الذاتيه  , نجيب محفوظ



Living infinitely (Life of Pi)

My last read was a novel written by Yann Martel a Canadian author and it was called the Life of Pi.

The book was published in 2001 and received a number of awards crowned by the Booker prize in 2002.

It follows the story of a young Indian boy who at 16 is travelling to Canada from India by a Japanese ship called Tsimtsum, in the middle of the pacific ocean it sinks and he is the sole survivor.

Well, he was not exactly the sole survivor:  on the lifeboat floating the pacific he is accompanied by a Zebra, a Chimpanzee, a hyena and a 450 pounds royal Bengal tiger!

The book recounts the story of Pi, who survived 227 days in the Pacific Ocean on a lifeboat with a wild Tiger as his sole companion (the other survivors were gradually eliminated by the Tiger)

The book raises many philosophical questions about the way we interpret God's "mysterious" ways. Whether we believe or not... There is no preaching in the book, only questions that are raised in the beginning and left for the reader to answer in the end after accompanying Pi throughout his amazing journey.

I was intrigued by the topic because of Mr.Martel's vision of the book and his wonderful storytelling technique.

But I was more intrigued by the way Pi adapted and evolved his character and skills according to his extraordinary circumstances.

How did a mere 16 year old boy who showed no interest in anything other than a special interest in spirituality and theology (hardly any survival skills!). How did he survive storms, sharks, the lack of food and water, the mental pressure of being alone in the pacific and above that having a fierce tiger on board!

I finished the book just in time of the New Year and started thinking hardly about this amazing capability of survival that we have and most of us die without testing it.

New Year is time for resolutions, and I don’t want to find myself lying on a boat someday in the middle of the pacific while my only skills are counting numbers and preparing spreadsheets! I decided that my current lifestyle is just too limited to my capabilities, why did I resolve to living so small? Why shouldn't I start spreading some wings and try them?

Is it late? Off course not! I hope you try yourself more often as well because you'll pretty much amaze yourself.

Hashem Fouad

Jan,2011

لا للهلال و لا للصليب

ان المقصود من العنوان ليس استفزاز المشاعر و ان كانت تلك المشاعر هائجه نتاج تفجير كنيس القديسيين

 بل مقصدى هو ان نتأمل فعليا جدوى تحديد هويتنا بدين ندين به و ما ينتج من اثار ذلك السلوك على مجتمعنا.

اولا: تعريف هويه مجتمعنا المصرى ... انا شايف ان مقوله المصريين شعب متدين بطبعه دى مقوله خاطئه و مغلوطه, مين قال كده؟ المصرى زيه زى اى بنى ادم عايز يعيش دنياه و ان توافر الجانب الروحى فده شىء يختلف من شخص الى اخر.  اى ان الهويه هنا المقصود بها اللغه و الثقافه و العادات و السلوكيات و بصراحه كل الحاجات دى مفيهاش اى اثر للدين عند المصرى

و مؤخرا على اللغط على اصل ثقافتنا المعاصره ( على اساس انها ثقافه شعب حاضر فى العالم المعاصر و مشارك فيه و ليست ثقافه بهائم غافله عن التحضر و غارقه فى رزائل التاريخ) و كان ابطال المعركه حول الثقافه (المكونه لهويتنا) رجال الكهنوت من اكبر ديانتين فى مصر حاليا (تمكن اتباع الديانتيين من اقناع العامه ان القطر المصرى يخلو الا من عنصرى الامه و هو الامر الزائف و ان كان ضروريا فى معركه الهويه)

تنابذ الرجال و اصبح الصوت عاليا, قال قسيس: الضيوف تقلوا فى الزياره. و رد شيخ: دعينا فلبينا و لا نسيتوا؟

نظر قرفان و صاح: بل فراعنه و ينعل والديك انت و هو

و عقد البهائى ذراعيه فى استسلام بينما فر اليهودى قبل ما حد يشوفه اما شرازم البوذيه فتلقوا صفعات و ركلات و القى بهم فى السجون

وهكذا حار العوام بين و بين ... فكما ترى: تلك الثقافه المتنازع عليها لا تحترم التفرد ولا الخصوصيه بل هى ثقافه قبليه و عصبيه ... يصيح مسيحى: شوفت؟ دى ثقافه الصحراء و البدو ... مالنا احنا اهل الحضاره بالبغال؟ اهم بالموافقه فيهتف شيخ: و النبى طب روح شوف ياعم اهل السماحه و المحبه دول بيعملوا ايه! جزر معزوله من مجموعات فى المدارس او الجامعات او اماكن العمل ... يا عم ده حتى المواصلات تلاقيهم واقفين مع بعض.

طب يا جماعه اكيد فى حاجات اتفقتم عليها؟ اتسأل ... اجد الاجابه فى انهم اتفقوا فى التزلف للحكم : راجع مواقف المؤسسات الدينيه من البرادعى كمثال. اجدهم اتفقوا فى اضطهاد طوائف الاقليات : راجع موقف السنه من الشيعه و الارثذوكس من البروتستانت. اجدهم اتفقوا فى افساد ذوق الشعب و تعقيد خياله : مثال فتوى تحريم النحت و ازمه روايه عزازيل.

لقد تعاركوا على ثقافه فاسده و خربه بعد ان تسببوا فيها.

اذا ... ما هى هويه المجتمع المصرى؟ رأىى الشخصى الذى لا الزمك به: هو انها ببساطه الهويه العالميه التى تخلق فى العالم الاول بواسطه بشر متقدم فكريا يقوم بتشكيل العالم و يصدرها لنا ... لأ هذا ليس افتراء و لكنى ببساطه أؤمن ان العصور الوسطى انتهت نهايه غير مأسوف عليها

لاحظ ان تلك العصور الوسطى كانت ثقافتها هى ان الدين هو عنوان و هويه الفرد

ثانيا: هل انت فعلا تحدد هويتك بدينك؟

خليك صريح ... عمرك عرفت نفسك انك : عباس عبد الصمد .... مسلم سنى؟ و لا سامح بولس ... قبطى ارثذوكسى؟

طبعا لأ ... فى حياتنا العمليه بنتعارف بالاخرين بمليون معلومه لا مكان فيهم للدين ... يبقى ايه بقى؟ دين ايه اللى انت عامله هويه؟

على فيس بوك ارتفعت تأكيدات ان: ايوه انا مسيحى وان: نعم سأحضر القداس .. الخ , و فى الجانب الاخر كٌتبت ستيتس بأن: انا مسلم و مش موافق على الارهاب ... هذا طبعا دون ذكر صوره الهلال و الصليب اياها

اعرف من انت ... قالها افلاطون.

الراجل قال كلام سليم و لكن الكلام سهل خصوصا اذا القى على اذان لا تسمع الا التافه من الامر و اقفيه تحتاج الى الصفع.

و الحل؟

 لا للنفاق! انظر الى المرأه و وواجه نفسك ... هل انت فعلا شخص مختزل فى كلمه مسلم او مسيحى؟ هل تحب عندما يصفك شخص لأخر ان يصفك بدينك؟ ما هذا الوصف المائع؟ يعنى ايه هاشم مسلم؟ هل عرفتنى؟ هل فرقتنى عن غيرى؟  

هاشم فواد

يناير 2011